Monday 19 December 2011

A biblio máxica do Sánchez Cantón

Durante estes días tedes ao voso dispor un servizo de Autopréstamo especial para Nadal, que consta dun total de máis de 60 libros, todos eles novidades, repartidos coma sempre en narrativa, narrativa xuvenil, ensaio e divulgación, con algunha achega interesante á poesía e a banda deseñada.

Dende o blog Lecturas do Trinque podedes acceder á información e reseñas de cada un destes libros. Se premedes en labels, aparecerán clasificados por categorías.

Este servizo, unido a exposición de Autopréstamo permanente no vestíbulo do centro, posibilitan un acceso directo a unha considerable oferta de posibilidades de lectura para estas festas.

É a nosa pequena contribución para que gozedes dun ben merecido tempo de lecer cheo de bos desexos durante estas datas.

Coma sempre queremos expresar o noso agradecemento porque sodes todos e todas vós, a comunidade educativa do IES Sánchez Cantón, os que facedes que esta sexa unha biblioteca máxica.

 



Wednesday 14 December 2011

Laura no deserto. Unha recomendación para Nadal recén saídiña…

Achegamos reseña do noso compañeiro Anxo González Guerra.

Magnífico. Un dos mellores libros dos últimos anos. Libro longo (722 páxinas) e complexo -máis en absoluto complicado - que engaiola desde as primeiras páxinas e fai difícil pousalo para tomar un descanso.
A acción desenvólvese no ano 1982 a través de catro personaxes principais, nun principio totalmente independentes, que se moven en cidades diferentes: Diana, na corentena, pertence á vella burguesía industrial catalá; Pablo é un intelectual compostelán; Bob, un fotógrafo de Brooklyng, e a Sra. Mulish, internada nun psiquiátrico neoiorquino que leva meses sen pronunciar palabra nin responder a ningún estímulo. O punto de unión é A Pobra do Caramiñal, onde se acabarán fundindo nunha única historia. Polas súas páxinas pasarán tamén a Guerra Civil española, cos seus dramas e miserias; a Resistencia francesa; os campos de concentración nazis... e moita literatura. Desde os libros que escriben algúns dos personaxes, resumido un e integrado outro a xeito de metarrelato; Pablo Neruda ou Valle Inclán, que aparecen como personaxes –aínda que moi secundarias- ; o profesor que prometeu de mozo ler todos os libros do mundo ou as innúmeras referencias a autores e obras, desde Rosalía de Castro ata a Odisea de Homero, pasando por Balzac, Shakespeare ou Óscar Wilde e O retrato do artista adolescente, etc.
Os protagonistas narran en 1ª persoa cadansúa parte da historia, polo que a perspectiva múltiple de diversas situacións nos dá unha visión máis enriquecedora; noutras partes atoparemos un narrador en 3ª persoa ou outro que utiliza unha 2ª persoa a modo de espello. Pero todas teñen a súa motivación interna, non son de ningún xeito meros xogos estilísticos.
Non se equivocaba Carlos Casares cando hai xa máis de dez anos nos recomendaba non perder de vista a Antón Riveiro Coello porque era un dos narradores con máis futuro na literatura galega. Ese é o lugar que ocupa agora e esta novela nolo demostra.

Anxo González  Guerra.

Para máis recomendacións expostas no vestíbulo do centro pasádevos por Lecturas do Trinque

Sunday 11 December 2011

Os dereitos humanos en viñetas

 

Achegamos esta interesante recompilación   dos compañeir@s do IES O Mosteirón

10 de decembro. Día dos Dereitos Humanos


63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!


Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.


Texto de Maribel Serantes (CEIP Os Casais)

Entrada elaborada no SEGREL DO PENEDO

Saturday 10 December 2011

“Tinta Viva” e os libreir@s

Hai  xa un tempo que estabamos moi ocupad@s en Tinta Viva cos preparativos desta visita a Culturgal porque a ocasión ben o merecía. Tratábase de entrevistar e coñecer un pouco máis a algúns dos libreiros máis representativos da nosa cidade e non queríamos quedar mal con eles porque teñen todo o nosos aprezo e consideración. Levabamos días preparando entrevistas, redactando unha carta onde expresar todo o que queremos trasmitirlles e pensando nalgún agasallo digno de persoas tan importantes para nós e a nosa cidade.

Que mellor agasallo que unha reprodución do mural da entrada á biblioteca?. Por detrás as sinaturas de todos os compoñentes do club de lectura e, como bos e boas lectores que somos, unha breve reflexión sobre o que representan os libros e os libreiros nas nosas vidas.

Gravamos entrevistas, limos a carta, fixemos compras para a exposición de novidades do Nadal, paseamos por Culturgal onde nos fixeron toda sorte de agasallos e por se faltaba algo tivemos o prazer de asistir ao marabilloso obradoiro de regueifas onde gozamos da presenza de Pinto de Herbón e Luis “o Caruncho” da asociación ORAL. Todo un privilexio.

Deixámovos estas diapositivas para que comprobedes o ben que o pasamos.

MELLOR A PANTALLA COMPLETA E CON MÚSICA




Tamén a carta e a entrevista

 

 
 

Unha mañá estupendamente aproveitada en  Culturgal.

Tuesday 6 December 2011

Pizarras dixitais

Gustounos moito esta presentación por áreas con recursos e ideas para utilizar a pizarra dixital.
Trae moitas direccións en cada páxina para poder levar a cabo as indicacións.
Atopamos, por exemplo, Tubeoke, este recurso tan simpático que non coñecíamos.

Tuesday 29 November 2011

Arte na pel

Impresionounos Amanda Wachob, artista e tatuadora neoyorkina. 
Fixádevos que estas tatuaxes  son case manchas de pintura sobre a pel e difuminan a barreira, unha vez máis, entre o que é e non é arte. Para acadar  estes acabados da pincelada, esta artista usa auga destilada en lugar de tinta indeleble para que a peza tatuada vaia perdendo progresivamente intensidade e saturación cos conseguintes efectos acualerados e difuminados.

via Nia en bitácora.

Saturday 26 November 2011

DÍA INTERNACIONAL CONTRA A VIOLENCIA DE XÉNERO

Esta é a última campaña publicitaria das Nacións Unidas para concienciar á mocidade.

Wednesday 16 November 2011

A biblioteca escolar en Spicy Nodes

Probamos esta nova ferramenta que non coñecíamos. Falounos dela a nosa compañeira Espe Gesteira.
Nós aproveitamos rápidamente para facer un pouco de autopropaganda, que nunca ven mal.

Grazas Espe

.


Monday 14 November 2011

BIBLIOTECAS ESCOLARES EN TRÁNSITO

Durante os días 10, 11 e 12 de novembro ccelebramos  en Santiago de Compostela o Congreso "Bibliotecas Escolares en Tránsito" organizado polo Ministerio de Educación e a Consellería de Educación.

Nel déronse cita o profesorado responsable da coordinación das bibliotecas escolares,  membros dos equipos directivos e dos servizos de inspección e asesores de formación no ámbito das bibliotecas escolares e a lectura de todas as Comunidades Autónomas .

Un extraordinario programa que contou coa presencia de relatores de recoñecido prestixio.

Outra  excelente oportunidade de formación e encontros proveitososs os que tivemos o privilexio de asistir, como ven sendo habitual nas sucesivas convocatorias oganizadas pola Asesoría.

Unha vez máis constatamos que as bibliotecas escolares da nosa comunidade actúan de forma coordinada e cumpren coas directirces que todos os expertos recomendan. Esperamos que estes tempos de crise non sexan unha excusa para debilitar estes  imprescindibles centros de recursos que pouco a pouco imos construíndo entre tod@s.

header

O noso centro tivo o privilexio de expoñer un resumo dalgunhas experiencias desenvolvidas de forma conxunta dende a biblioteca e TIC, un modo de actuar co que estamos familiarizados dende que comezamos a nosa traxectoria hai xa algúns anos.

Queremos agradecer dende Mesturas todo o apoio, o cariño, os parabéns, as bromas e a paciencia por atender a todas e cada unha das nosas peticións.

Ete documento recolle algúns dos proxectos presentados.

Sunday 16 October 2011

A obsolescencia programada: Mercar, tirar, mercar.

Despois de pasado algún tempo do falecemento de Steve Jobs, fundador de Apple, propoñemos o interesante documental “Mercar, tirar, mercar” de Cosima Dannoritzer e o artigo de Pablo Vaamonde García. Esperamos que vos resulten tan iluminadores coma a nós.

Tuesday 27 September 2011

Recortes ao ensino público

Parécenos magnífico este artigo de Josep Fontana aparecido en Público

Recomendamos tamén unha visita a artigos anteriores

 

En el actual desguace del Estado del bienestar le ha tocado el turno a la educación pública, y en primer lugar a la superior. En Italia la reforma Gelmini se propone eliminar un gran número de profesores y reducir considerablemente los fondos destinados a la universidad y a la investigación. Ante las protestas de estudiantes y profesores, Berlusconi ha manifestado: “Los verdaderos estudiantes se sientan en su casa y estudian, los que salen a las calles son alborotadores”. El otro foco de protestas ha sido Gran Bretaña, donde una propuesta semejante va acompañada del anuncio de una subida brutal de las tasas universitarias, que dejaría la educación superior reducida a un privilegio para los hijos de las clases elevadas.
El asalto no se refiere solamente a las universidades. En Estados Unidos –y es bueno fijarse en lo que ocurre allí, porque es el anuncio de lo que nos puede llegar pronto– la escuela publica está siendo atacada por dos caminos distintos. En primer lugar, por la necesidad de reducir el gasto. Michael Bloomberg, el multimillonario alcalde de Nueva York, ha puesto al frente de sus escuelas a Cathleen Black, presidenta del grupo Hearst (que edita publicaciones como Cosmopolitan o Marie Claire), una ejecutiva sin ninguna preparación en el terreno de la educación, que ya ha anunciado que su tarea se va a centrar en reducir el gasto del sistema escolar público, que es el que usan los pobres. Bob Herbert, que sitúa estos hechos en el contexto de una Norteamérica en que coinciden el mayor paro y los mayores beneficios de las empresas financieras, advierte: “La guerra de clases de la que nadie quiere hablar sigue sin pausa”.
Hay una segunda línea de ataque, en que participa activamente la Bill and Melinda Gates Foundation, que combate la escuela pública como ineficaz, sin tomar en cuenta la pobreza de recursos con que funciona, y acusa de ello a los sindicatos del profesorado, que se niegan a aceptar el despido de los maestros menos capacitados. Su alternativa son las charter schools, que están “exentas de reglas locales o estatales que inhiben una administración y gestión flexibles”.
Lo que estos planteamientos suelen ocultar es que, detrás de los argumentos de coste y eficacia, hay el propósito de combatir una enseñanza independiente y crítica, que se pretende reemplazar por otra que inculque valores patrióticos y conformismo social. James Loewen explica, en su libro Lies My Teacher Told Me, que los profesores norteamericanos tienen que ir con cuidado cuando hablan en clase de temas como, por poner un ejemplo, la guerra de Vietnam. “He entrevistado a profesores de Enseñanza Secundaria que han sido despedidos, o han recibido amenazas de despido, por actos menores de independencia como los de proporcionar a los alumnos materiales que algunos padres consideran discutibles”. Lo cual, sabiendo que nadie va a acudir a defenderles, les empuja a “la seguridad de la autocensura”.
Las bibliotecas son otro escenario de esta lucha. No sólo las de las escuelas –donde la Asociación de bibliotecarios de Estados Unidos ha denunciado que basta con la queja de un solo padre para eliminar un libro–, sino las públicas en general. Kurt Vonnegut ha elogiado a aquellos bibliotecarios que “han sabido resistir enérgicamente a los energúmenos que han tratado de eliminar ciertos libros de sus estantes y que han destruido los registros de los lectores antes que revelar a la policía del pensamiento los nombres de las personas que los han consultado”.
En un sentido semejante va la decisión del actual Gobierno pospinochetista chileno de disminuir las horas de Geografía, Historia y Ciencias Sociales en las enseñanzas Primaria y Secundaria, que ha provocado manifestaciones de protesta de profesores y estudiantes. O el menosprecio por la presencia de las Humanidades en la universidad, que ha llevado a un crítico de Not for profit –el libro en que Martha C. Nussbaum sostiene que la enseñanza que desarrolla un pensamiento crítico es necesaria para la supervivencia de la democracia– a realizar afirmaciones como la de que “los académicos emplean su tiempo y energía escribiendo monografías ilegibles sobre temas sin interés alguno”.
La tendencia, tanto en la escuela como en la universidad, apunta en la dirección de limitarse a ofrecer una formación que se dedique a preparar para el ingreso inmediato en la empresa. Se trata de consolidar el tipo de “currículum oculto” de que habla Henry A. Giroux por el que “la clase dominante se asegura la hegemonía”, transmitiendo “formas de conocimiento, cultura, valores y aspiraciones que son enseñadas, sin que nunca se hable de ellas o se expliciten públicamente”.
Todo lo cual debería llevarnos a reflexionar sobre las motivaciones que hay detrás de estas políticas. La idea de que sólo se puede combatir el déficit por el procedimiento del recorte del gasto social, ha escrito hace pocos días el premio Nobel de Economía Joseph Stiglitz, “es un intento de debilitar las protecciones sociales, reducir la progresividad del sistema de impuestos y disminuir el papel y el tamaño del Gobierno mientras se dejan determinados intereses establecidos, como los del complejo militar-industrial, tan poco afectados como sea posible”.
La educación pública es una parte esencial de nuestros derechos sociales y una garantía del futuro de nuestras libertades.

Josep Fontana es historiador

Ilustración de Jordi Duró

Tuesday 13 September 2011

AS BIBLIOTECAS GALEGAS DESPIDEN A Mª DOLORES


Comezamos o curso con tristeza.

Temos que despedir á compañeira Mª Dolores Martínez Tobío, docente no IES Luis Seoane de Pontevedra e responsable da biblioteca escolar do centro. Hai só uns meses que Mª Dolores nos puxo a Salvar Libros por centros de toda Galicia. Salvar os libros que valen a pena, as linguas nas que se escriben eses libros, as bibliotecas nas que se gardan... a memoria dunha mestra que día a día traballou a favor da cultura e a educación.
Este é un documento colaborativo como tantos outros nos que Mª Dolores adoitaba participar co seu habitual entusiasmo. Desgraciadamente convocounos hoxe a súa despedida e pensamos nesta pequena homenaxe que xorde da mesma rede que ela axudou a tecer. Canto tempo e ilusión dedicados a Biblioiris, a súa bitácora vinculada á biblioteca escolar do instituto!  Por iso os nosos blogs lamentan hoxe a súa ausencia. Por iso esta entrada será publicada por moitos outros centros, ademais dos que aquí figuran. Esperamos que este documento saiba representar tamén a tantas persoas que, desde a rede PLAMBE das bibliotecas escolares galegas, desexan expresar o seu pesar e as súas condolencias á familia e amigos da nosa compañeira. Son tantos os centros que a súa relación excede as dimensións deste documento.
.
Grazas Mª Dolores polas palabras, polas reflexións, polas propostas, polo tempo, polo que fixemos xuntos e que permitirá seguir camiñando pola ruta das bibliotecas escolares.

Cristina Novoa
Pilar Sampedro
Asesoría Bibliotecas Escolares

posanollocurtiscambre 
jdoloresj
 teisolgamuxiavictorsaenztaragonacatoiraquintelatrafgegandoImaxe das ligazóns: Rapaza lendo. Gustav Adolf Hennig 
 

Sunday 11 September 2011

Mª DOLORES

Era doado ver ao noso compañeiro Rafael e a Mª Dolores, a súa muller e inseparable compañeira, pasearen por Pontevedra nos días soleados. El, coma sempre, condutor solícito e atento da cadeira de rodas desde a que Mª Dolores paseaba pola vida con esa inesgotable vitalidade que era a súa mellor arma. Lembramos que hai só uns días liamos como a indomable escritora Sidonie Gabrielle Colette xa moi anciá e inválida, sentada case permanentemente xunto a unha xanela, soubo manter ata o final a súa capacidade para ler, escribir e gozar da vida a fondo, mesmo nos momentos máis duros:

“Non podo andar, pero voo. Voo cada día por encima dos xardíns así que non te preocupes o máis mínimo por min. Sufro, pero descubrín gradualmente como minorar o sufrimento.”

Ese era o irredutible espírito que habitaba en Mª Dolores, afeita desde nena a superar inmensos desafíos. Por iso impacta dobremente a súa perda, tan fulminante e prematura.

Dolores e Rafael tiveron un tempo da súa vida ligada a Chantada, alí deixaron amigos dos bos e alumnos que os lembran. Para honrar a memoria de Dolores, muller, lectora, lectora de poesía, escollemos estas palabras de outra muller poeta, tamén profesora, e chantadina de corazón, Carmen Blanco. Con estes versos queremos despedila, seguros de que sorriría ao escoitalos. Que o Chantada corazón de Galicia una os nosos corazóns, Dolores e Rafael na nosa Pontevedra para sempre.

MILES DE MULLERES

Miles de mulleres viñeron ao meu corazón
as mellores mulleres do mundo
Elas son distintas e extraordinarias
e coas súas vidas moven o mundo.

A METADE DO MUNDO

As mulleres somos a metade do mundo
e somos tan imprescindibles coma os homes
Mulleres e homes xuntos movemos o mundo
Mulleres e homes xuntos prolongamos a vida
A irmandade do amor dos homes e das mulleres
fará finalmente un mundo libre.

Poema: Un mundo de mulleres, Carmen Blanco. Biblos 2011
Cita de Colette: El amor de mi vida. Rosa Montero. Alfaguara 2011

Sunday 26 June 2011

Departamento de Lingua e Literatura Galega. Libros lidos 2010-2011

columpio

 

As alumnas que máis len son NTQ de 2º E Bach., con 20 libros, e ER de 2º Bach. C, con 19 libros.

comparativa

Comparativa dos catro últimos cursos 

Nada menos ca 13.200 libros nos catro últimos cursos!

Wednesday 22 June 2011

Novas olladas para Sartre e Ibsen: A porta pechada. Un inimigo do pobo

 

para-mesturas

grupo_b-sartre1

grupo_b-sartre2

GRUPO A

JEAN PAUL SARTRE I

GRUPO A

JEAN PAUL SARTRE II

grupo_b-sartre3


grupo_c-sartre1

GRUPO A

JEAN PAUL SARTRE III

GRUPO B

JEAN PAUL SARTRE I

grupo_c-sartre2 grupo_c-sartre3

GRUPO B

JEAN PAUL SARTRE II

GRUPO B

JEAN PAUL SARTRE III

 

 

grupo_c-ibsen1
grupo_e-ibsen1

GRUPO C

HENRIK IBSEN I

GRUPO D

HENRIK IBSEN I

grupo_e-ibsen2

grupo_e-ibsen3

GRUPO D

HENRIK IBSEN II

GRUPO D

HENRIK IBSEN III

Wednesday 1 June 2011

A INSOPORTABLE LEVEDADE DAS BIBLIOTECAS ESCOLARES GALEGAS

Ante a previsible retirada de formadores específicos no ámbito das bibliotecas escolares no  Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente  de persoas que senten que é posible compartir e facer viable o proxecto xuntos. Así naceu o movemento que cristalizou na  iniciativa que todos coñecemos como PLAMBE. De xeito que dende hai algúns anos,  esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes  en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son  seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos  incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada  centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino  xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro  será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Colectivo dos equipos das bibliotecas escolares integradas no PLAMBE (Plan de Mellora das Bibliotecas Escolares Galegas)

RECOMENDAMOS BOTAR UNHA OLLADA A ESTE VÍDEO

bibliotecas from SonCine on Vimeo.

Saturday 28 May 2011

Proxecto: ASÍ NACEU UN CADRO PARA A BIBLIOTECA


POR FIN. Pero por suposto que pagou a pena. Xa temos o noso marabilloso mural para a entrada da biblioteca.
Unha magnífica homenaxe aos libros e á lectura.
Un curso enteiro de traballo. Primeiro houbo que ver ducias de ilustracións e deixar que a idea tomase forma. Despois contribuír con debuxos e propostas de personaxes. Logo empezar a dotar aos personaxes elixidos de movemento. Logo traspasar ao lenzo, despois a cor, por último o personaxe principal que se resistiu a nacer, logo…..
Tardes e tardes pasadas no instituto. Primeiro un grupo bastante numeroso de rapaces e rapazas. Logo as catro ou cinco que resistiron ata o final a dura proba de facer e refacer, dos pequenos detalles, dos cambios, dos “isto non me acaba de convencer….”
Por iso fixemos a exposición ASI NACEU UN CADRO no vestíbulo do centro, coma unha homenaxe a todo o proceso, longo e non sempre fácil entre exames, traballos e outras esixencias.
Na exposición, ademais de mostrar a obra a toda a comunidade educativa do centro,   recollemos os primeiros deseños, as tentativas, os estudos de composición, de cor, os personaxes que ao final non aparecen no cadro… Son 5 grandes paneis cunha ampla e valiosísima documentación que permite seguir todo o complexo traballo de creación ata acadar o espectacular resultado final.
Estamos felices con esta exposición e co noso indescriptible cadro
Por iso visitounos Fina Casalderrey, amiga persoal da nosa artista Carmen Pernas, que coordinou todo o traballo. Fina falou do inestimable valor da amizade, dos libros, da lectura. E, nesta ocasión tan especial, falou sobre todo da maxia da arte, das emocións que provoca en cada un de nós, do mérito dunha obra tan xenerosa e colectiva coma esta. E falou e falou da nosa querida artista e compañeira Carmen.
Realmente o mural é un traballo colaborativo magnífico.
…e logo un grupo de alumnas salvaron marabillosamente  os preciosos libros de Fina Casalderrey
e escoitamos a Bach e a Haydn…
Que queredes. Non temos palabras. Unha sorte traballar con xente asi
Grazas ás compañeiras de Marín polo agasallo da súa visita. Esperamos que repitades
Grazas Carmen. De corazón
         

PARA VER O CADRO CON TODO DETALLE
PARA VER IMAXES DA BENVIDA OFICIAL CON FINA CASALDERREY E O SALVAMENTO DOS SEUS LIBROS
PARA VER O LONGO PROCESO E OS MATERIAIS XERADOS

Thursday 19 May 2011

Lingua minoritaria?

Hai pouco comentabamos non entender as veces cal é a razón  pola que algúns alumnos e alumnas aínda pensan que falar ou escribir galego é unha perda de tempo.

 

Achegamos tamén este agasallo  dos compañeiros do IES Salvatera do Miño para celebrar O Día das Letras.

Wednesday 18 May 2011

LETRAS GALEGAS: O ANO DE LOIS PEREIRO

PUBLICAMOS INTEGRO O MARABILLOSO TRABALLO SOBRE LOIS PEREIRO DOS COMPAÑEIROS DA biblioteca Escolar SATURNINO HERMIDA do IES CONCEPCIÓN ARENAL de Ferrol.

“Como dixo Manolo Rivas, na obra de Lois Pereiro, máis que na de ningún outro poeta galego,o amor e a morte, Eros e Thánatos, van da man.
Poesía dunha intensidade poco común, é facil lembrar moitos dos versos de Lois, quedan impresos na memoria porque son versos de francotirador,van directos ao corazón e penetran nel, pola verdade do sentimento que transmiten, pola forza e expresividade das súas imaxes.
Un poeta fondo, emocionante, para lelo devagar e revisitalo a miúdo.
E para coñecelo mellor, podedes ver o traballo feito por Elvira Roiz, aconsellada por Inés. ”.

 

Sunday 15 May 2011

LETRAS GALEGAS 2011. Salvando libros

SALVANDO LIBROS

Que libro salvarías ti?

Esta exposición xorde dun traballo colaborativo entre 96 bibliotecas escolares galegas e pretende ser unha chamada de atención sobre a importancia de apreciar, coidar e manter o noso patrimonio cultural escrito.

Pretendemos difundir a idea de que é imposible destruír os libros e os valores que neles se transmiten se somos quen de conseguir que formen parte de nós para sempre.

Maio 2011

Queremos dar  moi especialmente as grazas a Jaime Eizaguirre Santillán, ex-alumno do IES Sánchez Cantón, que unha vez máis deseñou estes carteis tan fermosos para facer posible a actividade.

Podedes ver o perfil de Jaime, arquitecto e debuxante, aquí

e algunhas das interesantes cousas que fai aqui

e tamén aquí….

Grazas de novo, Jaime, pola túa xenerosidade

salvandogrande

1 5
3 2
.

4
 
.

Moitísimos libros están a ser salvados nas nosas bibliotecas, que organizan as súas propias exposicións e actos.

Esta é só unha pequena escolma dos que representan a cada un dos centros que participaron na actividade.

Salvar un libro consiste en aprender de memoria un pequeno fragmento para simbolizar a asimilación de todo o seu contido. Entón xa seremos unha persoa-libro e poderemos preservalo para sempre. 

A idea está baseada na obra de Ray Bradbury “Fahrenheit 451”.

Esta é a escolma de libros que representan aos centros de Educación Infantil

.

.
 

 Esta é a escolma de libros que representan aos centros de Educación Primaria

.

.
 
Esta é a escolma de libros que representan aos centros de Ensino Secundario e algúns persoeiros relacionados co mundo das letras e a cultura
.
 .
  ESTA ACTIVIDADE FOI COORDINADA DESDE AS BIBLIOTECAS ESCOLARES:

  IES LUIS SEOANE DE PONTEVEDRA

ESCOLA UNITARIA DE VIDE

 

Related Posts with Thumbnails